Темир жолчу Бакыт Момуналиев “Стамбул марафонуна” катышып келди.
15 Ноября 2018
Туркиянын Стамбул шаарында 40-Стамбул марафону өткөрүлдү. Быйыл ага дүнүйө жүзүнөн 30 миңден ашык жөө күлүктөр келишти.
“Кыргыз темир жолу” ишканасынын спортчусу Бакыт Момуналиев аталган марафонго катышып, 15-орунду камсыз кылды. Алдыңкы катарда келген темир жолчуга мелдештин атайын медалы тапшырылды. Бакыт Момуналиев 35-40 жаш курагы боюнча 42 чакырым марафондо чуркаган. Анын Туркияга барып келген чыгымы ишкана тарабынан каржыланган.
Эске салсак, Стамбул марафону быйыл 40-жолу өткөрүлүп жаткан эл аралык мелдеш болуп эсептелет. Ал жыл сайын Туркиянын Стамбул шаарынын негизги шоссесинде өткөрүлүп, дүнүйө жүзүнөн жөө күлүктөр келип катышышат.
