"Кыргыз темир жолунун" кызматкерлери XX Эл аралык Ысык-Көл оюндарынан 50 медаль утуп алышты

16 Сентября 2021

“Кыргыз темир жолу” УК” МИнин 14 кызматкери XX Эл аралык Ысык-Көл оюндарына катышып, жалпысынан 50 медаль утуп алышты. Алар спорттук оюндардын 12 түрү боюнча - жеңил атлетика, сууда сүзүү, армрестлинг, пляждык футбол жана башкаларга катышышты. Оюндардын жыйынтыгында компаниянын командасы 50 медалга ээ болду, анын 11и алтын, 6сы күмүш, 33ү коло.

  15-сентябрь күнү "Кыргыз темир жолу" УК Мамлекеттик ишканасынын башкы директору Азамат Сакиев компаниянын курама командасын куттуктап, утуп алган сыйлыктары үчүн ыраазычылыгын айтып, калоо-тилектерин билдирди.

  «Сиздердин спорттук иш-чарага жигердүү катышып, физикалык даярдыкты мыкты деңгээлде көрсөткөнүңөр жана эрктүүлүгүңөрдүн натыйжасында алдыңкы орундарды алдыңыздар. Бул жетишкендик менен сыймыктанабыз. Сергек жашоого үлгү болгонуңуздар кубандырат», - деди ал.

  Кошумчалай кетсек, спорттук оюнчуларга акчалай сыйлык берилет.

  Эске салсак, XX Эл аралык Ысык-Көл оюндары 2021-жылдын 4-сентябрынан 12-сентябрына чейин Ысык-Көл облусунун Бактуу-Долоноту айылында "Азия-тынчтыктын жана кызматташтыктын аймагы" деген ураан астында өткөн. Аларга жакынкы жана алыскы чет өлкөлөрдүн, анын ичинде ШКУ жана КМШ өлкөлөрүнн спортчулары катышты.

“Кыргыз темир жолу” УК” МИ сергек жашоого чакырат.