“Кыргыз темир жолу” мамлекеттик ишканасы Россияга каттоочу поезддерге билеттерди сатып алууда жеңилдиктерди жарыялайт

17 Октября 2014

Россия менен кабыл алынган макулдашууга ылайык, эми поезддердин жүргүнчүлөрү билеттерди алдын-ала сатып алса жеңилдиктер берилет. Мындай жеңилдиктер алдын-ала сатылып алынган билеттердин мөөнөтүнө жараша болот.

Эгерде жүргүнчү Россияга сатылуучу поезд билеттерин 31 күндөн 45 күнгө чейин алдын-ала сатып алса, билеттин жалпы баасына 30 % жеңилдик берилет.

Ал эми 16 күндөн 30 күнгө чейин алдын-ала сатып алса, 20 % га арзан баада сатып алса болот.

Эгерде жүргүнчү билетти поезд кетүүчү күнгө чейин 11 күндөн 15 күнгө чейин алдын-ала сатып алса, анда 10% га барабар жеңилдик берилет.

Эскерте кетүүчү нерсе: мындай жеңилдиктер кыргызстандын ички поезддерине жана жамаат менен жол жүрүүчү жүргүнчүлөргө берилбейт.
Ошондой эле жол жүрүү билетинин баасы швейцария франкынын курсуна барабар өзгөрүлүп турат.
Кошумча маалымат үчүн телефондор:  92 68 54, 30 02 09, 92 74 75.