Улуу Ата Мекендик согуштун 70 жылдыгын утурлап...
23 Октября 2014
Улуу Ата Мекендик согуштун 70 жылдыгына карата темир жолчулардын жеңиш багында ремонт иштери жүрүп жатат.
Улуу Ата Мекендик согуштун 70 жылдыгын өткөрүү боюнча “Кыргыз темир жолу” мамлекеттик ишканасында атайын иш-чаралардын иш планы кабыл алынган. Ага ылайык жеңиш багындагы эстелик толук ремонттон өткөрүлөт.
Учурда “Кыргыз темир жолу” ишканасынын Иш башкармалыгы тарабынан эстелик тактасы сырдалып, андагы каза болгон жоокерлердин тизмелерине кайрадан жаңы түс берилип жатат. Мындан тышкары эстеликтин айлана-тегереги толугу менен жашылдандырылат. Бул үчүн 60 миң сомдон ашык акча каражаты бөлүнүп берилген.
Ал эми ишкананын көпүрөчүлөр отряды тарабынан эскирген тротуарлардын асфальттары алынып, анын ордуна плиталар, бордюрлар жайгаштырылды. Эми актоо-сырдоо иштери жүргүзүлмөкчү.
