“Кыргыз темир жолу” балдар үчүн кайрымдуулук акциясын өткөрөт

3 Февраля 2015

5-февраль күнү “Кыргыз темир жолу” Улуттук компания” мамлекеттик ишканасы “Локомотив” муз аянтында кайрымдуулук иш-чара өткөрөт.

  Аталган муз аянтына бул жолу Военно-Антоновкадагы балдар үйүнөн 100 бала жана Бишкектеги “Элистан” балалык борборунан 40 бала келет. Алар бир саат бою буттарына коньки байлап, акысыз муз тееп, көңүл ачышат.

  Белгилей кетсек: Военно-Антоновкадагы балдар үйүндө 7 жаштан 17 жашка чейинки 110 ата-энеси жок балдар камкордукка алынган. Аларга ишкерлер жана колунда бар инсандар ар тараптуу колдоо көргөзүп турат. Ал эми Бишкектеги “Элистан” балалык борбору 2008-жылдан бери ар кайсыл областтардан келишкен ата-энесинен ажыраган 40 баланы тарбиялап, Тоголок Молдо атындагы №71-мектеп-интернатында окутуп келет.

  Кайрымдуулук акцияны өткөрүүгө борборубуздагы «Озгюн Иншат Таахют ве Тижарет Лтд» жоопкерчилиги чектелген коому (Vefa борбору) жакындан колдоо көргөздү. Алар балдар үчүн сый-тамак уюштуруп, ар бир балага баалуу белектерди тапшырышат. Балдарга арналган кайрымдуулук акциясын алар 2015-жылдын аягына чейин маал-маалы менен өткөрүп туруу ниетинде.