“Локомотив” спорт комплекси Бишкек шаарындагы мектептер менен кызматташат

22 Января 2016

Бишкек шаарындагы 4 райондун орто мектептери эми “Локомотив” спорт комплекси менен тыгыз кызматташа баштайт.

Бүгүн Ленин, Биринчи май, Свердлов жана Октябрь районунун орто мектептеринин директорлору комплекс менен таанышып чыгышты.

 Аларды Бишкек шаардык билим берүү башкармалыгынын башкы адиси коштоп жүрдү. Анын айтымында мектеп окуучуларын спортко тартуу менен сергек жашоо образын ишке ашыруу башкы максат. Алдыда алгач мектептер менен “Локомотив” спорт комплексинин ортосунда эки тараптуу келишим түзүлөт. Андан соң атайын иш-чаралар иштелип чыгат. График боюнча мектеп окуучулары муз айдыңына келип муз тебүүгө мүмкүнчүлүк алышат.

 Мындан тышкары райондор аралык жана мектептердин ортосунда спорттук мелдештерди өткөрүү да макулдашылды. Жакынкы күндөрдө мугалимдер үчүн жолугушуу, семинарлар да уюштурулат.