“Локомотив” спорт комплексинин таэквандочулары Корея элчисинин кубогун жеңип алышты

1 Июня 2016

Бишкекте «Sun City» спорт аянтчасында Корея Республикасынын элчисинин кубогу үчүн VI-ачык мелдеш болуп өттү.

 Мелдешке Бишкек шаары жана Чүй областынан төмөнкү командалар катышты: «Sun City», «KKC TT», «FOK», «Олимп-Локомотив», «Жолборс», «ЦОРК», «Арстан», Р. Санатбаев атындагы спорт мектеби, Токмок шаарынан «Квон»  жана коңшулаш Алма-Ата шаарынан «Айнаюлак» командасы. Ошентип, жалпысынан 10 командадан 80 спортчу катышты.

Мелдеш жаш өзгөчөлүгүнө жараша 2 топко бөлүнүп, ар кандай салмактагы балдар кыздардын арасында курч өттү.

Жыйынтыгында “Кыргыз темир жолу” ишканасынын “Локомотив” спорт комплексинин таэквандочулары жогорку чеберчиликти көргөзүшүп, баш байге болгон Корея элчисинин кубогун жеңип алышты.