"Кыргыз темир жолунун" жетекчиси Аргынбек Малабаев темир жолчуларга жогорку сыйлыктарды тапшырды
26 Ноября 2013
Шериктештикке кирген мамлекеттердин Кеңеши Кыргыз темир жолчуларын Ардак грамота менен сыйлады
“Кыргыз темир жолу “Улуттук компания” мамлекеттик ишканасынын бир катар кызматкерлери шериктештикке кирген мамлекеттердин темир жол транспорту боюнча Кеңешинин жогорку сыйлыгына татыктуу болушту
Шериктештикке кирген мамлекеттердин темир жол транспорту боюнча Кеңешинин чечими менен “Кыргыз темир жолу” Улуттук компания” мамлекеттик ишканасынын статистика бөлүмүнүн начальниги Абзелкан Баимбаевага, I - категориядагы инженер-технолог Бибигүл Тайгашкаевага, жана II - категориядагы инженер Наиля Шагалимовага шериктештикке кирген мамлекеттердин темир жол транспорту боюнча Кеңешинин Ардак грамотасы тапшырылды.
Жогоруда аты аталган темир жолчуларга мындай жогорку сыйлык алардын темир жол транспортундагы өз ара кызматтыштыкты бекемдөөгө кошкон чоң салымы үчүн берилип олтурат.
Эске салсак, шериктештикке кирген мамлекеттердин темир жол транспорту боюнча Кеңешинин 59-жыйыны Молдова Республикасынын Кишинев шаарында болуп өттү.
